პარლამენტის პლენარულ სხდომაზე საქართველოს პრეზიდენტის, სალომე ზურაბიშვილის იმპიჩმენტის საკითხს უყარეს კენჭი, თუმცა პრეზიდენტის გადაყენებისთვის საჭირო ხმები ვერ მოგროვდა და შესაბამისად, იმპიჩმენტის საკითხი ჩავარდა.
სალომე ზურაბიშვილის თანამდებობიდან გადაყენებას 86-მა დეპუტატმა მისცა ხმა, ხოლო ერთი წინააღმდეგ წავიდა. კენჭისყრა ფარული იყო. პრეზიდენტის იმპიჩმენტისთვის პარლამენტის სრული შემადგენლობის ორი მესამედის, 100 დეპუტატის ხმა იყო საჭირო. რეგისტრაცია 90-მა დეპუტატმა გაიარა.
ოპოზიციის ნაწილი, მათ შორის „ნაციონალური მოძრაობის“ წარმომადგენლები, დარბაზში არ იმყოფებოდა.