GUARDIANGE – ირანის მიერ ისრაელზე ორშაბათ ღამით განხორციელებული დარტყმების შედეგად ისრაელის ცენტრალურ ნაწილში ხუთი ადამიანი დაიღუპა და ათეულობით დაშავდა და პარასკევის, 13 ივნისის შემდეგ დაღუპულთა რაოდენობა 19-მდე გაიზარდა. ირანის ჯანდაცვის სამინისტროს ცნობით კი, ისრაელის საჰაერო იერიშების შედეგად 13 ივნისიდან დღემდე სულ მცირე 224 ადამიანია მოკლული.
Reuters
Reuters
Reutersუფრო ადრე, წინა დღით, ისრაელის სამხედროებმა ირანის თავდაცვის სამინისტროს შტაბ-ბინაზე, თეირანში, ავიაიერიშები განახორციელა.
დაბლა ფოტოებზე: როდესაც ორშაბათს ისრაელში მზე ამოდიოდა, თელ-ავივის მცხოვრებლები დაზიანებების შეფასებას და ირანის მიერ ღამით განხორციელებული სარაკეტო დარტყმების შემდეგ ახლობლების ძებნას განაგრძობდნენ.
ისრაელის სამხედრო-საჰაერო ძალებმა „სადაზვერვო ინფორმაციის საფუძველზე თავდასხმების ფართო სერია“ განახორციელეს თეირანის რამდენიმე სამიზნეზე, მათ შორის თავდაცვის სამინისტროს შენობაზე, ბირთვული პროგრამის შტაბ-ბინებზე და დამატებით სამიზნეებზე, ასევე ბირთვული არქივების სამალავზე, – ნათქვამია ისრაელის თავდაცვის ძალების განცხადებაში.
ირანის საინფორმაციო სააგენტო „ტასნიმი“ ადრე იუწყებოდა, რომ დარტყმამ მცირე დაზიანება მიაყენა თავდაცვის სამინისტროს ერთ-ერთ ადმინისტრაციულ შენობას. „ტასნიმის“ ცნობით, ამავე ტერიტორიაზე ასევე დარტმა მიაყენეს თავდაცვის სამინისტროს თავდაცვითი ინოვაციებისა და კვლევის ორგანიზაციას.
ორ ქვეყანას შორის თავდასხმების განახლებული ტალღის შემდეგ, ირანი დაიმუქრა, რომ გააძლიერებდა თავდასხმებს, თუ ისრაელი გააგრძელებს საომარ მოქმედებებს. ეს განცხადება ირანის ისლამური რევოლუციის გუშაგთა კორპუსის საზოგადოებასთან ურთიერთობის ოფისმა გააკეთა.
შეერთებული შტატების პრეზიდენტმა, დონალდ ტრამპმა განაცხადა, რომ მხარეებმა შეთანხმება უნდა დადონ, მაგრამ ირანმა დასძინა, რომ იგი ცეცხლის შეწყვეტის შესახებ მოლაპარაკებების გამართვას არ დათანხმდება იმ პირობებში, ვიდრე თავდასხმების ქვეშ იმყოფება.
ისრაელის პრემიერ-მინისტრის, ბენიამინ ნეთანიაჰუს თქმით, „აქ საკითხი დეესკალიაციას კი არ ეხება“, არამედ იმას, რომ შეაჩერონ ირანი ბირთვული შესაძლებლობების განვითარებისაგან.