აშშ-ის პრეზიდენტი დონალდ ტრამპი ლოს ანჯელესში ეროვნული გვარდიის უფრო მეტი ჯარისკაცისა და საზღვაო ქვეითების განლაგებას აპირებს, რადგან ქალაქში პროტესტი გრძელდება.
კალიფორნიის გუბერნატორი გავინ ნიუსომი აცხადებს, რომ სამართლებრივ ზომებს მიიღებს ჯარების განლაგების წინააღმდეგ და ტრამპს „შეშლილს“ და „დიქტატორს“ უწოდებს.
ლოს ანჯელესში დემონსტრაციები მეოთხე დღეა გრძელდება, აშშ-ის მასშტაბით კი საემიგრაციო ხელისუფლების წინააღმდეგ ახალი საპროტესტო აქციები იწყება.
სამართალდამცველებმა დემონსტრანტების წინააღმდეგ რეზინის ტყვიები, მსუბუქი ყუმბარები და სხვა არალეტალური იარაღი გამოიყენეს.