სულ მცირე 51 ადამიანი დაიღუპა და 271 დაშავდა რუსეთის მიერ ცენტრალური უკრაინის ქალაქ პოლტავაზე სარაკეტო დარტყმის შედეგად. რუსების საჰაერო თავდასხმა სამხედრო აკადემიასა და ახლომდებარე საავადმყოფოზე განხორციელდა.

უკრაინის სახმელეთო ძალებმა დაადასტურეს, რომ დაღუპულთა შორის სამხედრო პირებიც არიან. უკრაინის თავდაცვის სამინისტროს განცხადებით, ადამიანებს არ ჰქონდათ საკმარისი დრო, რომ თავშესაფრებში ჩასულიყვნენ საჰაერო თავდასხმის განგაშის გამოცხადების შემდეგ.

პრეზიდენტმა ვოლოდიმირ ზელენსკიმ პირობა დადო, რომ რუსეთი გადაიხდის თავდასხმის საფასურს და გაიმეორა მოწოდება მეტი საჰაერო თავდაცვის საჭიროებაზე, რათა უკრაინამ თავი დაიცვას შორი მანძილის სარაკეტო თავდასხმების განხორციელებით.

მოსკოვს პოლტავაზე განხორციელებული თავდასხმის შესახებ კომენტარი არ გაუკეთებია.

პოლტავაზე განხორციელებული თავდასხმა ერთ-ერთი ყველაზე საშინელია მას შემდეგ, რაც უკრაინაში რუსეთის სრულმასშტაბიანი შეჭრა დაიწყო 2022 წლის თებერვალში და ყველაზე დიდი მსხვერპლის მომტანი ივლისის დასაწყისის შემდეგ, როდესაც კიევში ბავშვთა საავადმყოფოსა და უკრაინის რამდენიმე ქალაქში სამოქალაქო ინფრასტრუქტურაზე რუსების საჰაერო თავდასხმებმა ათეულობით ადამიანი შეიწირა.

პოლტავაში 280 000-ზე მეტი ადამიანი ცხოვრობს და იგი მთავარ სამხედრო ცენტრად ითვლება, აეროდრომებითა და საწვრთნელი საშუალებებით. ის ასევე მდებარეობს მთავარ გზაზე, რომელიც კიევს უკრაინის სიდიდით მეორე ქალაქ ხარკოვთან აკავშირებს.

GUARDIANGE