უნგრეთის პრემიერ-მინისტრმა, ვიქტორ ორბანმა საპარლამენტო კითხვების დროს, ციხეში ახლახან გარდაცვლილი რუსი ოპოზიციონერი პოლიტიკოსის, ალექსეი ნავალნის შესახებ განაცხადა: „შოვინისტები არ იმსახურებენ პატივისცემას უნგრეთის პარლამენტში. მათ, ვინც რუსეთ-საქართველოს ომის დროს ქართველებს ვირთხები უწოდა, პარლამენტში ფეხზე არ უნდა წამოუდგნენ… სხვა მხრივ, მშვიდად განისვენოს“.
უფრო ადრე, ოპოზიციამ წუთიერი დუმილით პატივი მიაგო ნავალნის ხსოვნას, რა დროსაც მმართველი პარტიის „ფიდესის“ და „მი ჰაზანკის“ პარლამენტის წევრები ფეხზე არ წამოდგნენ.