პრეზიდენტი ჯო ბაიდენი და ყოფილი პრეზიდენტი დონალდ ტრამპი სუპერ სამშაბათს გამართულ პრაიმერში დამაჯერებლად იმარჯვებენ, რაც აშშ-ის 2024 წლის საპრეზიდენტო არჩევნებში მათ შორის რევანშის ალბათობას კიდევ უფრო ზრდის.

CBS-ის ცნობით, ბაიდენმა „დემოკრატიული პარტიის“ ნომინაციაში 15 შტატში გაიმარჯვა, მათ შორის აიოვაში, სადაც ამომრჩევლებმა ხმა ფოსტის მეშვეობით მისცეს.

წინასწარი მონაცემებით, „რესპუბლიკური პარტიის“ კანდიდატმა, დონალდ ტრამპმა კი, 12 შტატში გაიმარჯვა, რამაც კიდევ უფრო მკაფიოდ გამოკვეთა მისი აბსოლუტური უპირატესობა ნიკი ჰეილის მიმართ, რომელმაც ვერმონტის შტატში მოიპოვა მოულოდნელი გამარჯვება.

ჯერ კიდევ ელოდებიან შედეგებს ალასკადან, რომელსაც ჯერ არ დაუხურავს კენჭისყრა – და „რესპუბლიკელების“ რბოლის შედეგებს იუტადან. ასევე არ უნდა დაგავიწყდეთ ამერიკული სამოა, რომელიც არა შტატი, არამედ აშშ-ის ტერიტორიაა და სადაც შედეგების დადასტურებას ელოდებიან.

ტრამპმა აღნიშნა, რომ ეს იყო „საოცარი დღე“ და არ გაუშვა თავდასხმის შანსი ბაიდენზე, რომელმაც მშვიდად უპასუხა და პირობა დადო, რომ „ჩვენ მოვიგებთ“ 2024 წლის საპრეზიდენტო არჩევნებს.

გამარჯვებულ კანდიდატებს, თავიანთ პარტიებში მოპოვებული დელეგატები აძლევენ ოფიციალურ თანხმობას, რომ პრეზიდენტობის საბოლოო კანდიდატებად დარეგისტრირდნენ.