დანიის საელჩოს Facebook-ის ფოტოზე: დანიის საგანგებო და სრულუფლებიანი ელჩი საქართველოში ანნე ტოფტ სორენსენი
ვხედავთ დანიური სტატიიდან ამოღებულ ამონარიდს, რომელიც კონტექსტის გარეშე გამოიყენება ქართულ დებატებში. საელჩოს არ აქვს სურვილი წვლილი შეიტანოს აღნიშნულში და თავს იკავებს დამატებითი კომენტარისგან, – ამის შესახებ საქართველოში დანიის საელჩოს განცხადებაშია აღნიშნული.
„სტატია დანიური გაზეთისთვის დაიწერა საქართველოსთვის ევროკავშირის კანდიდატის სტატუსის მინიჭების ისტორიული გადაწყვეტილების შემდეგ. სტატია ხაზს უსვამს საქართველოს მკაფიო სურვილს, განაგრძოს ევროკავშირში ინტეგრაცია და ყურადღებას ამახვილებს იმ წვლილზე, რომლის შეტანაც შეუძლია დანიას საქართველოს მხარდასაჭერად, მათ შორის ახლად გახსნილი საელჩოს მეშვეობით მწვანე გადასვლის, მშვიდობის, სტაბილურობისა და ასევე, სხვა სფეროებში თანამშრომლობის გზით. დანია განუწყვეტლივ უჭერდა მხარს საქართველოს ევროატლანტიკური ინტეგრაციისკენ მიმავალ გზაზე რეფორმების განხორციელების კუთხით დარჩება საქართველოს ევროკავშირში გაწევრიანებისთვის თანამშრომლობის მხარდამჭერი.
ჩვენ ვხედავთ დანიური სტატიიდან ამოღებულ ამონარიდს, რომელიც კონტექსტის გარეშე გამოიყენება ქართულ დებატებში. საელჩოს არ აქვს სურვილი წვლილი შეიტანოს აღნიშნულში და თავს იკავებს დამატებითი კომენტარისგან“, – აღნიშნულია დანიის საელჩოს განცხადებაში.
დანიურ გამოცემაში გამოქვეყნებულ საავტორო სტატიასთან დაკავშირებით, დანიის ელჩი დღეს საქართველოს საგარეო საქმეთა სამინისტროში იმყოფებოდა.
დანიის საგანგებო და სრულუფლებიანმა ელჩმა საქართველოში ანნე ტოფტ სორენსენმა უწყება უკომენტაროდ დატოვა.