ახალქალაქის მუნიციპალიტეტში ინფრასტრუქტურული სამუშაოები აქტიურად გრძელდება.
საკრებულოს თავმჯდომარე ნაირი ირიციანი, მუნიციპალიტეტის მერი მელქონ მაკარიანი საკრებულოს სივრცით-ტერიტორიული დაგეგმარებისა და ინფრასტრუქტურის კომისიასთან და მერიის სამსახურების წარმომადგენლებთან ერთად დღეს სოფელ ხულგუმოს ეწვივნენ და ხულგუმო-კულიკამის საავტომობილო გზის მოასფალტების სამუშაოებს გაეცნენ.
ახალქალაქის მუნიციპალიტეტის მერიის ინფორმაციით, პროექტი რეგიონული განვითარების ფონდიდან და ადგილობრივი ბიუჯეტიდან ფინანსდება და მისი ღირებულება 2 058 000 ლარს შეადგენს.
საგზაო ინფრასტრუქტურის მოწესრიგების სამუშაოებს კომპანია შპს “ჯავახავტოგზა” ასრულებს.