“მშიშარა რუსმა ოლიგარქმა და მისმა პოლიტიკურმა ინსტრუმენტებმა დაგვახვედრეს ეს ადამიანები, რომელთაც დარწმუნებული ვარ, არ აქვთ სურვილი იმისა, რაც დღეს აქ ხდება.
ჩვენ ამ ადამიანების მტრები არ ვართ. ჩვენ გვინდა, რომ თითოეულ მათგანთან ერთად შევიდეთ ევროპაში, რასაც ყველაზე მეტად “ქართული ოცნება” და რუსი ოლიგარქი უშლის ხელს.
ბიძინა ივანიშვილი ყველაფერს აკეთებს იმისათვის, რომ რაც შეიძლება სწრაფად დაგვაშოროს ევროპას და ჩვენს შვილებს დაუკარგოს ეს უნიკალური შესაძლებლობა”, – წერს სოციალურ ქსელში მიხეილ სააკაშვილის წარმომადგენელი, “ერთიანი ნაციონალური მოძრაობის” წევრი სოფო ჯაფარიძე, რომელიც მხარდამჭერებთან ერთად სოფელ ჭორვილაში აქციის გასამართად იმყოფებოდა.